ياهو بيه ايطير ويوديني

ياهو بيه ايطير ويوديني
للنجف وبعلي ايسرها العيني
---------------------

ياجنح يحملني وبروحي يطير
وفوگ وادي النجف هاالحظه اصير
وگبل ما يوصل على سوگك الچبير
ايذبني بالميدان ويخليني
----------------------

ايذبني بالميدان وبگلبي اليرف
والعلي مومشي ازحفله زحف
على اركبي وخلي ياخذني النزف
ومن اطبن حضرته ايداويني
-------------------------
حضرته شوفتها بلسم للجروح
تجلي همي والحزن مني يروح
اي وحگ ادم ضجيعه الويه نوح
ابشده لوطايح علي اينجيني
------------------
ابشده لوطايح اروح الحضرته
واگعد احچي اوياه شعندي بعتبته
لوگلتله محب جاي ابحاجته
گبل ما اطلب علي ينطيني
-----------------------
صار همي اچبير فارگته شكثر
امنين اجيب الفرگته گلي صبر
شيسوه من دون ابو الحسنين العمر
ابعيد عنه وهالبعد ياذيني
----------------------
شلون اعوفه وروحي لفراگه تون
وصورته بعيني ويغطيها الجفن
ل اسم كل واحد علي گلبي يحن
ومن اذكره امفارگه ايبچيني
-------------------------
گلبي والله ابجمرة اافراگه انچوه
ياهو عنده الحالتي الصعبه دوه
علي هوه الماي الي وهوه الهوه
ومن اشمه انسه ضيم اسنيني
------------------------
ما اضن يحصل علاج الهل الغرام
احسدت حتى المندفن برض السلام
بگرب حيدر أمن ابلحده الينام
وريت ميت يمه ومواريني
---------------------

اللهم ارزقنا شفاعة امير المؤمنين علي بن ابي طالب ع
واجعل لنا حسن العاقبه يالله