اخاف من اعوفك

اخاف من اعوفك .. بعد مااشوفك

اذا ماتجيني اقدر ظروفك

طويلة رحلتي.. واخاف برجعتي

بعد مااشوفك
++

يعباس اختك انا ولاتبارحني

كنت انت التمسيني تصبحني

فركتك ذلتي شوفك يفرحني

كلام الشامت بفركاك يجرحني

يريت الموت اخذ روحي ويريحني

واذا انساك الله لايسامحني

اخاف اشتكيلك .. واعذب دليل

واريد بدموعي.. أبرد غليلك

تودعك دمعتي ..واخاف برجعتي

بعد مااشوفك
++

اودعك ياابن ابويه ولليسر اطلع

واعوفك بدر غايب نوره بالمصرع

مثل جسمك توذر كلبي واتكطع

كلامي وياك صار يترجمه المدمع

اذا ارجع يخويه اشراح اتوقع

اذا ارجع اشوفك بعد من ارجع

اباصر دليلي .. سفرتي ورحيلي

كلتله عجيبه .. افارك كفيلي

اعله فكدك حسرتي .. واخاف برجعتي

بعد مااشوفك
++

اصيحن واليموت شينفعه الصايح

اسكتت ودموعي جدول عالوجن سايح

غصب عني اعوفك والضعن رايح

بلاتوديع اتركك عالنهر طايح

تعاتب لاتعاتب والعتب جارح

تودني واليود من شيمته يسامح

ضعنّه برواحه .. يريد السماحه

تسير الضعينه .. بونين ونياحه

تنشدك مهجتي.. واخاف برجعتي

بعد مااشوفك
++

انشدك لو مشيت بضعني واتيسر

تكدر تنهض تشد الضعن تكدر

اذا بسياطه خصمك يضرب الخدر

تكدر تحمي عيله وسايرة بهالبر

اذا كتالك بمجلس شتم حيدر

تكدر تجي هنا تدافع وتحضر

اذا وكفونا .. بمجالس عدونا

حرم واحنا نسمع.. يشتمون ابونا

شينشف عبرتي ..واخاف برجعتي

بعد مااشوفك
++


اذا مسبيه من يمك رحت ومشيت

عني ماقمت ياابا الفضل حاميت

اذا مجلس دخلت وحايرة ضليت

اذا حشمتك وللنخوة مالبيت

العذر مقبول منك خوية لو ماجيت

شلون تكوم وانت بس جسد ضليت

يجمره حنيني .. يعذرك ونيني

عسى مني كطعو .. يساري ويميني

شيرجع لهفتي ..واخاف برجعتي

بعد مااشوفك
++

اشخلت ساحة الطف خذت مني احيود

شحكي ويالنهر والسهم والعامود

فطّر جبدي العطش من نار سهم الجور

اذا تسكن لحد اسكن يخويه الحود

للطف يبن ابويه الضعن مني يعود

اخاف مااشوفك لو رجعت اردود

يطول غيابي .. واجيك بمصابي

اذا مالكيتك .. تزيد عذابي

تهيج جمرتي ..واخاف برجعتي

بعد مااشوفك

مشكووووووووووووووووووووووووووووره

ع المواضيع