السلام عليكم يا أخوان
جبت لكم مسجات عراقيه(أبوذيات)..
واللي يعجبه اي مسج ياخذه مني هديه ..
بس بشرط أعرف شو عجبكم
يالله شووووووفووووووو
............................
بقيت لوحدي كمت أحجي ويه حالاي
دموع العين مو نشفت ش حـــالاي
ادور أسنين من عمري وحــــالاي
مثل غيمة سمه وتمطر عليه
***************************
جبير الهــم على كلبي وعـلى جلاي
وما ينفع دوى لعــلتي ولا جــــلاي
ضربني ضربة محــمد علي جــلاي
ومن أول جــولة طــحـت بـرديـــــة
************************
الدهر من يوم فركَانه شملنه
جزانه وجنّه ما يدري شملنه
النوايب شتتن منه شملنه
بعزر بعض وبعض حدر الوطيه
**************************
مضالي من العمر خمسين عاماي
مثل مجنون طب وطلع عاماي
هاي تكول بويه وهاي عاماي
من سلم بعد ما ظل ذوق إليه
********************************
ماتدري بجفاك الكلب ماراد
وكتي وليريده عمل ماراد
بعالي الصوت أصيحن يرد ماراد
هلال اللي مشه ميعود إليه....
************
يروحي بالوفاء للغالي(شهدي)
أنا النحلة النحيله وخلص (شهدي)
حرت للغالي غير الورد(شهدي)
الورد بس للورد يصلح هديه...
**************
وهمنة بديرة الغربه (وضعنه)
وطحنه بناس ماتعرف (وضعنه)
وحق اللي كفل زينب (وضعنه)
صحت أدخيل وين أهل الحمية...
***************
وحق من صاغ هندام( وحياك)
طلع شريان من قلبي (وحياك)
أحبك وأحترم شخصك (وحياك)
وأحب حته ته الحجي منكم عليه...
**************
الغيرك ما يكول القلب( مرحب)
آنه كلما أشوفنك صحت (مرحب)
مرحب مثل طبرة علي من طبر( مرحب)
طبر جسمي هواك وعمل بيه....
***************
الغيرك ما جره دمعي (ولا هل)
وغاب الكَََََمر من شافك (ولا هل)
غيرك ما إلي صاحب (ولا هل)
أضل ممنون من تسأل عليه....
****************
وفي طول العمر للناس (ظليت)
وعن درب العدل ما يوم (ظليت)
جنت شجره وعلى الأخوان (ظليت)
أنكسر ظلعي ولا حنو عليه...
****************
روى الزيتون من دمعي( ولا راك)
ولغيرك مانحل جسمي( ولا راك)
أخاف تطول غيبتك (ولا راك)
وعند وصلك تدانيني المنيه...
***************
اريد احفر وسط القلب (بيران )
وعلى الخله دموع العين (بيران )
احلفك بالرضا المدفون( بإيران)
تحبني صدك لو تجذب عليه....
***************
اريد ارحل براري بعيد وسعه
على ام الشفه صغيره وعين وسعه
يحفار اللحد بالله عليك وسعه
اريد اليوم ياخذنا سويه.....
*****************
جرى دمعي على الوجنات ياحيف
وعلى الناس اللى ماتقدر التعب ياحيف
انا الجنت اخوف خفت ياحيف
ولذت بلجانو يلوذون بيه...
**************
جرى دمعي على خدي مراحل
وبعد حبك بدلالي مراحل
اذا ناوي البعد ابدي مراحل
مو غفله وتسد بابك عليه....
***************
وحك اللي مشو للشام يسرى
عسى يمناي ما تحتاج يسرى
وربك كال بعد العسر يسرا
العسر شفته وليسر مامر عليه ...
وسلااااامتكم..
إن شاء الله عجينكم..
تحياتي لجميع
جبت لكم مسجات عراقيه(أبوذيات)..
واللي يعجبه اي مسج ياخذه مني هديه ..
بس بشرط أعرف شو عجبكم
يالله شووووووفووووووو
............................
بقيت لوحدي كمت أحجي ويه حالاي
دموع العين مو نشفت ش حـــالاي
ادور أسنين من عمري وحــــالاي
مثل غيمة سمه وتمطر عليه
***************************
جبير الهــم على كلبي وعـلى جلاي
وما ينفع دوى لعــلتي ولا جــــلاي
ضربني ضربة محــمد علي جــلاي
ومن أول جــولة طــحـت بـرديـــــة
************************
الدهر من يوم فركَانه شملنه
جزانه وجنّه ما يدري شملنه
النوايب شتتن منه شملنه
بعزر بعض وبعض حدر الوطيه
**************************
مضالي من العمر خمسين عاماي
مثل مجنون طب وطلع عاماي
هاي تكول بويه وهاي عاماي
من سلم بعد ما ظل ذوق إليه
********************************
ماتدري بجفاك الكلب ماراد
وكتي وليريده عمل ماراد
بعالي الصوت أصيحن يرد ماراد
هلال اللي مشه ميعود إليه....
************
يروحي بالوفاء للغالي(شهدي)
أنا النحلة النحيله وخلص (شهدي)
حرت للغالي غير الورد(شهدي)
الورد بس للورد يصلح هديه...
**************
وهمنة بديرة الغربه (وضعنه)
وطحنه بناس ماتعرف (وضعنه)
وحق اللي كفل زينب (وضعنه)
صحت أدخيل وين أهل الحمية...
***************
وحق من صاغ هندام( وحياك)
طلع شريان من قلبي (وحياك)
أحبك وأحترم شخصك (وحياك)
وأحب حته ته الحجي منكم عليه...
**************
الغيرك ما يكول القلب( مرحب)
آنه كلما أشوفنك صحت (مرحب)
مرحب مثل طبرة علي من طبر( مرحب)
طبر جسمي هواك وعمل بيه....
***************
الغيرك ما جره دمعي (ولا هل)
وغاب الكَََََمر من شافك (ولا هل)
غيرك ما إلي صاحب (ولا هل)
أضل ممنون من تسأل عليه....
****************
وفي طول العمر للناس (ظليت)
وعن درب العدل ما يوم (ظليت)
جنت شجره وعلى الأخوان (ظليت)
أنكسر ظلعي ولا حنو عليه...
****************
روى الزيتون من دمعي( ولا راك)
ولغيرك مانحل جسمي( ولا راك)
أخاف تطول غيبتك (ولا راك)
وعند وصلك تدانيني المنيه...
***************
اريد احفر وسط القلب (بيران )
وعلى الخله دموع العين (بيران )
احلفك بالرضا المدفون( بإيران)
تحبني صدك لو تجذب عليه....
***************
اريد ارحل براري بعيد وسعه
على ام الشفه صغيره وعين وسعه
يحفار اللحد بالله عليك وسعه
اريد اليوم ياخذنا سويه.....
*****************
جرى دمعي على الوجنات ياحيف
وعلى الناس اللى ماتقدر التعب ياحيف
انا الجنت اخوف خفت ياحيف
ولذت بلجانو يلوذون بيه...
**************
جرى دمعي على خدي مراحل
وبعد حبك بدلالي مراحل
اذا ناوي البعد ابدي مراحل
مو غفله وتسد بابك عليه....
***************
وحك اللي مشو للشام يسرى
عسى يمناي ما تحتاج يسرى
وربك كال بعد العسر يسرا
العسر شفته وليسر مامر عليه ...
وسلااااامتكم..
إن شاء الله عجينكم..
تحياتي لجميع